ජවිපෙ විනාශ කලේ සෝමවංශ අමරසිංහ යි – ජවිපෙ නායකයා CIA ඒජන්තයෙක් ද?

1994 සිට වඩාත් සාර්ථක ව සහ ප්‍රබල ව මෙරට දේශපාලන කරළියේ “තුන්වන බලවේගය” ලෙසින් ගොඩනැගෙමින් තිබු ජනතා විමුක්ති පෙරමුණ විනාශ කිරීම හෝ දිය කර හැරීම යනු, ප්‍රබල බටහිර ඔත්තු සේවා දෙකක් විසින් කල මෙහෙයුමක ප්‍රථිඵලයක් බව යුරෝපයේ ජනතා විමුක්ති පෙරමුණු ශාඛාවකට සම්බන්ධ සුවිශේෂ ආරංචි මාර්ගයක් විසින් හෙළි කර සිටියේ ය.

1971 සහ 1988/89 වකවානු තුල සන්නද්ධ අරගල ආදියෙනුත්, 1994 සිට දේශපාලනික වශයෙනුත් මෙරට දේශපාලනයට දැඩි බලපෑමක් එල්ල කිරීමට සමත් වු ජනතා විමුක්ති පෙරමුණේ ක්‍රියාකාරීත්වය අඩපණ කිරීමට බටහිර රාජ්‍යයන් වලට දැඩි උවමනාවක් ව තිබු බවත්, 1994 සිට මෙරට රජයන් තුල ක්‍රියාත්මක වූ පෞද්ගලීකරණ ප්‍රතිපත්ති, ශ්‍රී ලංකාවේ ත්‍රස්තවාදය සමග බටහිර රාජ්‍යයන් සහ සංවිධානයන් කටයුතු කිරීමේ දී එකල ජවිපෙ කටයුතු කල ආකාරය නිසාවෙන් ම බටහිර උවමනාවන් ඉටු කර ගැනීමේ දී ජවිපෙ ඔවුන්ට පැහැදිලි බාධකයක් ව තිබු බවත් සනාථ වේ.

චන්ද්‍රිකා රජයේ සුනාමි සහන මණ්ඩලය අහෝසි කිරීම සහ එකල ආණ්ඩුවල විජාතික ප්‍රතිපත්ති වලට එරෙහිව තිබු ජවිපෙ මතය මේ සඳහා නිදසුන් වේ.

ජවිපෙ වත්මන් නායක සෝමවංශ අමරසිංහ මහතා ඉකුත් භීෂණ සමයේ දී ශ්‍රී ලංකාවෙන් පලා ගියේ බ්‍රිතාන්‍යයට යි. සමාජවාදී ආර්ථික ප්‍රතිපත්ති ඔස්සේ දේශපාලනයේ නියුක්ත ව සිටි ජනතා විමුක්ති පෙරමුණ වැනි පක්ෂයක ක්‍රියාකාරී ප්‍රබලයෙකු දේශපාලන රැකවරණ සොයා යනවා නම් මුලින්ම යා යුත්තේ, රුසියාවට හෝ චීනය වැනි සමාජවාදී රාජ්‍යයකට නමුත්, සෝමවංශ අමරසිංහ මහතා සංක්‍රමණය වී තිබුණේ ධනවාදී ආර්ථික ක්‍රමයක් දහම කොටගත් බ්‍රිතාන්‍යයට යි. ඉහත ආරංචි මාර්ගය විසින් ලබා දෙන මුල්ම ප්‍රබලත ම හෝඩුවාව මෙය වී තිබේ.

එසේම, 1994 සිට ජවිපෙ තරුණ නායකයන් වු කේ ඩී ලාල්කාන්ත, විමල් වීරවංශ, විජිත හේරත්, නන්දන ගුණතිලක, ටිල්වින් සිල්වා, අනුර කුමාර දිසානායක, බිමල් රත්නායක, නිහාල් ගලප්පත්ති වැන්නවුන්ගේ ක්‍රියාශීලී මෙන්ම වඩාත් සංවිධානාත්මක මෙහෙයවීම ඔස්සේ ක්‍රමයෙන් ශක්තිමත් වෙමින් සහ ජනතා ආකර්ෂණය දිනා ගනිමින් තිබු ජනතා විමුක්ති පෙරමුණ, සෝමවංශ අමරසිංහ මහතා බ්‍රිතාන්‍යයේ සිට වසර ගණනකට පසු ව යළි ශ්‍රී ලංකාවට පා තැබීමේ දී තිබුණේ වඩාත් ප්‍රබල මට්ටමක බව මෙරට ජනතාවට නැවත මතක් කර දිය යුතු නොවේ.

ජවිපෙ තරුණ නායකයන්ගේ සහ පහල මට්ටමේ සියළු සාමාජිකයන්ගේ දුක් කඳුළු සහ රුධිරයෙන් එ’ ආකාරයෙන් නව මුහුණුවරකින් ගොඩනැගෙමින් තිබු තම ආදරණීය පක්ෂය කෙමෙන් විනාශ වීමට පටන් ගත්තේ සෝමවංශ අමරසිංහගේ පැමිණීමෙන් අනතුරුව බව මෙම විශේෂ වාර්තාවට තොරතුරු කියන මෙම වියපත් ජවිපෙ නායකයා පවසා සිටියේ සිංහලයා පුවත් එ’ජන්සියේ මෙම ලියුම්කරු හමුවේ හඬා වැටෙමිනි.

“සෝමවංශ ලංකාවට යළිත් ගිය දා ඉඳල ගත්තෙ වැරදි තීරණ.. එ’වායින් පහල සාමාජිකත්වයට ප්‍රශ්ණ වලට මුහුණ පාන්නට වුණා. දිනෙන් දින ජවිපෙ ක්‍රියාකාරීන්ගේ උද්‍යෝගය අඩු වීමටත්, විමල් වගේ දක්ෂයින් පක්ෂයට අහිමි වීමටත් පටන් ගත්තේ සෝමවංශ ලංකාවේ දේශපාලනයට බිම් මට්ටමින් අවතීර්ණ වුනාට පස්සෙ.. විජේවීර අපේ පක්ෂයට දුන් මොනවද අද ඉතුරු? කිසි දෙයක් රැකගෙන නැහැ.. ජනතාව දුන්නු වරම පාවිච්චි කලේ නැහැ හරියට.. දැං මේ රටවල අපේ ලාංකිකයො අපි දිහා බලන්නෙ හොරු දිහා බලන ගාණට.. එ’ත් අපේ හෘද සාක්ෂිය කවුරුත් දන්නෙ නෑ.. පක්ෂය විනාශ කලේ සෝමවංශ,, එ’ පාපය නිසා සෝමවංශට කවද හරි වන්දි ගෙවන්න වෙයි. එ’ක තමයි ඇත්ත.. එ’ක තමයි අපේ හෘද සාක්ෂිය..

පහුගිය භීෂණ සමයෙ නියම ජේවීපී සමාජවාදියෙක් හැටියට බ්‍රිතන්‍යයට ආපු සෝමවංශ නෙමෙයි ආපහු ලංකාවට ගියෙ.. ඔහුගේ චරිතයේ මෙන්ම සම්බන්ධකම් වලත් විශාල සැකකටයුතු තැන් තිබුණා.. පක්ෂයට පරිබාහිර නොයෙක් විදේශීය පිරිස් සමග ඔහුගේ සම්බන්ධකම් තිබුණු නමුත් එ’ කිසිදු දෙයක් අපි ඉදිරියට නොගෙනේමට ඔහු සූක්ෂම වුණා.. එ’ත් පක්ෂයට විය හැකි හානිය නිසා අපි කටවල් වලට ඉබ්බො දමාගෙන හිටියෙ.. සෝමවංශ ප්‍රබල බටහිර ඔත්තු සේවා දෙකක් සමග කටයුතු කරමින් අදටත් පක්ෂයේ දුප්පත් සාමාජිකයා රවටමින් ඉන්නවා.. එ’ සඳහා ඔහුට විශ්වසනීය ජවිපෙ ක්‍රියාකාරීන් කිහිප දෙනෙකු ද සම්බන්ධයි.. එ’ සියල්ලෝම කටයුතු කරන්නේ ජවිපෙ මීලඟ නායකත්වය පිලිබඳ හීනය යටි හිතේ තබාගෙන..

මං දැනුත් කියනවා.. අපි ලේ කඳුළු දහදියෙන් ගොඩනැගු ආදරණීය ජනතා විමුක්ති පෙරමුණ විනාශ කලේ, සී සී කඩ කලේ සෝමවංශ අමරසිංහ යි.. එ’ වෙනුවෙන් බටහිර ඔත්තු සේවාවන් වල කොන්ත්‍රාත්තුවයි ඔහු අද ඉටු කරමින් සිටින්නේ..”

යනුවෙන් ඉහත ආරංචි මාර්ගය විසින් තවදුරටත් සිංහලයා පුවත් එ’ජන්සිය හමුවේ අනාවරණය කර සිටියේ ය

මොහාන් ලාල් ග්‍රේරු ට අධ්‍යාපන අධීක්ෂණ මන්ත්‍රීධූරය…

පසුගියදා පැවති අය වැය සම්මත කිරීමේ විවාදයේ දී රජයට සහාය දෙමින් ආණ්ඩු පක්ෂයට එක්වූ එක්සත් ජාතික පක්ෂ පාර්ලිමේන්තු මන්ත්‍රී මොහාන් ලාල් ග්‍රේරු මහතාට ජනාධිපතිවරයා විසින් අධ්‍යාපන අධීක්ෂණ මන්ත්‍රීධූරයක් පිරිනමා ඇතැයි වාර්තා වේ.

යුරෝපයේ කොටි – කොටි වලි නෝර්වේ රාජ්‍යය තුල සිටින කොටි හිතවාදීන් මෙහෙයවන තැනැත්තා යැයි කියාගන්නා නදියවාන් නමැත්තාගේ සමීපතමයින් පිරිසකට පසුගියදා ප්‍රංශයේ දී එල්ල වූ ප්‍රහාරය කොටි ත්‍රස්ත හිතවාදීන් අතර පවතින අභ්‍යන්තර අරගලයේ ප්‍රතිඵලයක් බව අනාවරණය වී ඇත. මේ ප්‍රහාරය ප්‍රංශය තුල ක්‍රියාකාරී එහෙත් නදියවාන්ට එරෙහි කොටි හිතවාදීන්ගේ ප්‍රහාරයක් බව පැවසේ.